پاکستانی کرکٹ شائقین ایک بار پھر قومی ٹیم کی ناقص کارکردگی پر شدید مایوسی کا شکار ہیں۔ ہر ٹورنامنٹ سے قبل عوام کی توقعات آسمان سے باتیں کرتی ہیں، مگر نتائج اکثر اس کے برعکس نکلتے ہیں۔ چاہے وہ ورلڈ کپ ہو، ایشیا کپ ہو یا کوئی دوطرفہ سیریز، پاکستانی ٹیم کی غیر مستقل مزاجی شائقین کے لیے ذہنی اذیت کا باعث بنتی جا رہی ہے۔
بیشتر میچز میں نہ تو بیٹنگ میں تسلسل نظر آتا ہے، نہ ہی باؤلنگ میں وہ دھاک بیٹھتی ہے جس کی پاکستان ٹیم مشہور ہوا کرتی تھی۔ فیلڈنگ کی حالت بھی اکثر مایوس کن رہتی ہے، جو میچ کے اہم لمحات میں ٹیم کو نقصان پہنچاتی ہے.شائقین کا کہنا ہے کہ موجودہ کھلاڑیوں میں جذبے، پیشہ ورانہ مہارت، اور ذمہ داری کا فقدان نظر آتا ہے۔ ٹیم سلیکشن، کوچنگ اسٹاف، اور کرکٹ بورڈ کی پالیسیوں پر بھی سوالات اٹھائے جا رہے ہیں۔
مایوسی کے باوجود پاکستانی شائقین کرکٹ سے محبت کم نہیں ہوئی، لیکن وہ اب بہتری اور مستقل مزاجی کے شدت سے منتظر ہیں۔ اب وقت آ گیا ہے کہ ٹیم صرف سوشل میڈیا پر بیانات دینے کے بجائے میدان میں کارکردگی دکھائے اور قوم کی امیدوں پر پورا اترے۔
