کرکٹ میری پیشہ ورانہ زندگی، اسلام میری سب سے بڑی ترجیح

قومی کرکٹ ٹیم کے اسٹار وکٹ کیپر بلے باز محمد رضوان نے ایک حالیہ انٹرویو میں کہا ہے کہ اگرچہ وہ کرکٹر ہیں اور کھیل ان کی پیشہ ورانہ زندگی کا اہم حصہ ہے، لیکن ان کی سب سے بڑی ترجیح اسلام اور دینی ذمہ داریاں ہیں۔ محمد رضوان نے بتایا کہ وہ اپنے روزمرہ معمولات میں نماز اور قرآن کی تعلیمات کو اولین مقام دیتے ہیں اور کرکٹ کے دوران بھی اپنے دینی فرائض کو فراموش نہیں کرتے۔ انہوں نے نوجوان کھلاڑیوں کو نصیحت کی کہ وہ اپنی کھیل کی مہارت بڑھائیں لیکن دین اور اخلاقیات کو کبھی نظرانداز نہ کریں۔ ان کے اس بیان نے شائقین کرکٹ کے ساتھ ساتھ عام عوام میں بھی مثبت ردعمل پیدا کیا ہے۔