وزیراعلیٰ پنجاب کی جانب سے چار مسلسل تعطیلات کی تصدیق

وزیراعلیٰ پنجاب مریم نواز شریف نے صوبے میں چار مسلسل تعطیلات کی باضابطہ تصدیق کر دی ہے، جس کے تحت شہریوں کو طویل ویک اینڈ میسر آئے گا۔ شیڈول کے مطابق 5 فروری بروز جمعرات یومِ یکجہتیٔ کشمیر کے موقع پر سرکاری تعطیل ہوگی، جبکہ 6 فروری بروز جمعہ کو پنجاب حکومت کی جانب سے صوبائی سطح پر تعطیل کا اعلان کیا گیا ہے۔ اس کے بعد ہفتہ اور اتوار (7 اور 8 فروری) کی ہفتہ وار چھٹیاں شامل ہو کر مجموعی طور پر چار دن کی تعطیلات بن جائیں گی۔ وزیراعلیٰ کے مطابق اس فیصلے کا مقصد عوام کو آرام، اہلِ خانہ کے ساتھ وقت گزارنے اور ثقافتی سرگرمیوں سے لطف اندوز ہونے کا موقع فراہم کرنا ہے۔