آج دنیا بھر میں ایڈز سے بچاؤ کا عالمی دن منایا جا رہا ہے، جس کا مقصد ایچ آئی وی/ایڈز کے بارے میں آگاہی پیدا کرنا، حفاظتی اقدامات کو فروغ دینا اور مریضوں کے ساتھ ہونے والے معاشرتی امتیاز کو کم کرنا ہے۔ اس سال بھی مختلف ممالک میں آگاہی واکس، سیمینارز، میڈیکل کیمپس اور خصوصی پروگرام منعقد کیے جا رہے ہیں جن میں ماہرین صحت ایچ آئی وی سے بچاؤ، جلد تشخیص اور مناسب علاج کی اہمیت پر زور دے رہے ہیں۔
عالمی ادارۂ صحت کے مطابق دنیا میں اب بھی لاکھوں افراد ایچ آئی وی کے ساتھ زندگی گزار رہے ہیں اور بڑی تعداد لاعلم ہونے کے باعث علاج سے محروم ہے۔ اسی لیے اس دن کا مقصد لوگوں کو یہ یاد دلانا ہے کہ بروقت ٹیسٹ، احتیاطی تدابیر، درست معلومات اور مریضوں کے ساتھ ہمدردانہ رویہ ہی اس بیماری سے نمٹنے کا موثر طریقہ ہے۔
