حال ہی میں گوگل نے اساتذہ اور طلبہ کے لیے ایک بڑی پیش رفت کا اعلان کیا ہے جس کے تحت وہ مصنوعی ذہانت (AI) کے جدید ٹولز تک مفت رسائی حاصل کر سکتے ہیں۔ گوگل نے “Gemini for Education” اور “Gemini in Classroom” کے نام سے ایک نیا پروگرام متعارف کروایا ہے، جس کا مقصد تعلیمی اداروں میں اساتذہ اور طلبہ کی مدد کے لیے Gemini AI ٹولز کو شامل کرنا ہے۔ اس پروگرام کے تحت اساتذہ کو سبق تیار کرنے، تعلیمی مواد کی تخصیص کرنے، اور طلبہ کی ضروریات کے مطابق AI کی مدد سے منصوبہ بندی کرنے جیسے فیچرز مفت دستیاب ہوں گے۔
اسی طرح، گوگل نے 18 سال یا اس سے زائد عمر کے طلبہ کے لیے ایک سال کی مفت Gemini Advanced سبسکرپشن کا بھی اعلان کیا ہے، جس میں طاقتور AI ماڈل Gemini 2.5 Pro، 2 ٹیرا بائٹ گوگل ڈرائیو اسٹوریج، اور دیگر تحقیقی و تخلیقی ٹولز شامل ہیں۔ پاکستانی طلبہ بھی اس پیشکش کے اہل ہیں، جو کہ ملک کے لیے ایک خوش آئند موقع ہے۔
