مری گلاس ٹرین کے روٹس، اسٹاپس اور کرایوں کی تفصیلات جاری

مری گلاس ٹرین منصوبے کی تفصیلات جاری کر دی گئی ہیں جن کے مطابق یہ جدید الیکٹرک گلاس ٹرین اسلام آباد کے لیک ویو پارک سے اپنی روانگی شروع کرے گی اور چتر پارک اور گھوڑا گلی سے ہوتے ہوئے مری کے مرکزی پوائنٹ تک پہنچے گی۔ پورا سفر تقریباً 40 منٹ میں مکمل ہوگا، جبکہ کرایوں میں 500 روپے اسٹینڈرڈ اور 1000 روپے پریمیئم ٹکٹ شامل ہیں۔ گلاس ٹرین مکمل طور پر ماحول دوست ہوگی اور اس کے شفاف ڈیزائن کے ذریعے مسافر پہاڑی مناظر، جنگلات اور وادیوں کے خوبصورت نظاروں سے لطف اندوز ہو سکیں گے۔ منصوبے کی فزیبیلٹی رپورٹ مکمل ہوچکی ہے اور حکام کے مطابق لانچ کی حتمی تاریخ جلد جاری کی جائے گی۔ مستقبل میں اس روٹ کو اسلام آباد انٹرنیشنل ایئرپورٹ تک بڑھانے کی تجویز بھی زیر غور ہے، تاکہ سیاح براہ راست ایئرپورٹ سے مری تک سفر کر سکیں۔ یہ منصوبہ سیاحت کے فروغ، ٹریفک کم کرنے اور جدید سفری سہولت فراہم کرنے کی جانب ایک بڑا قدم سمجھا جا رہا ہے۔